เริ่มใหม่สิได้บ่ คอร์ด มิน พิณทอง, น้องนุช ประทุมทอง

เนื้อเพลง เริ่มใหม่สิได้บ่ คอร์ด มิน พิณทอง, น้องนุช ประทุมทอง

เว้าให้ฟังได้บ่ เป็นหยังน้อน้องคือเศร้าแท้
นั่งคอตกแตะแซะ หัวใจเป็นแผลซั้นบ้อ
(บ่มีหยังดอกอ้าย ขอบคุณหลาย ๆ แค่น้ำตาคลอ
จากผู้ชายบ่ฮู้จักพอที่น้องคึดต่อว่าเขาสิดี)
อ้ายเข้าใจอยู่หล่า แต่น้ำตาบ่คือคำเว้า
ได้ข่าวบ่กินฮอดข้าว ย้อนผู้บ่าวลูกชายเศรษฐี
(อ้ายเอ๋ย น้องขอโทษอีหลี ถ้าเลือกฮักอ้ายแต่กี้
บ่เป็นจั่งซี้ดอกติหัวใจ)

* พอสิเริ่มใหม่ได้บ้อ คิดว่า
เงยหน้าขึ้นมา อ้ายสิเช็ดน้ำตาให้
(สิบ่ติซั้นบ้อ คนที่มีแป้วหัวใจ)
หล่านางเอ้ย เจ้าอย่าไปคิดหยังหลาย
ฮู้บ่ว่าหัวใจอ้าย ให้อภัยเจ้าทุกเวลา

** (อ้ายเอ๋ย ขอโทษเด้อหัวใจ
ผ่านมาบ่แนมเห็นอ้าย บ่มีความหมายอยู่ในสายตา)
บ่เป็นหยังดอกบอกหัวใจของอ้ายนี่หนา
มันเจ็บจนชา กะเพราะว่าฮักเจ้าแฮงหลาย
(น้องกะพอฮู้ ตอนนั้นน้องตาบอดไป
สิลองถามหัวใจ พอสิเริ่มใหม่ได้บ่)

(ซ้ำ * ,**)


เจ้าลองถามหัวใจพอสิเริ่มใหม่ได้บ่