จ่ม คอร์ด - ก้อง ห้วยไร่

มองเห็นแสงรำไร โผล่พ้นขอบฟ้า
เย็นลมหนาวโชยมา กลางเถียงนาน้อย
เห็นข้าวจี่ที่เจ้ามัก น้ำตาของแม่ไหลย้อย
ในอิขามหมกมันยังคอย คนน้อยมากิน
คิดฮอดตอนที่เจ้าไปเอาปลาข่อน
แม่กะยังออนซอนงัวน้อยเกือกตม
หนาวจนโตสั่น บ่อาบน้ำแม่ก็ยังดม
กลิ่นเยี่ยวที่ติดผ้าห่ม ลูกยังโชยมา

* ไปทำงานเมืองไกล เป็นใด๋หนอหล่า
ลืมปิ้งกบปิ้งปลา บ้านเฮาแล้วบ้อ
กองเฟืองข้าง ๆ โพน มันกะยังเฝ้ารอ
ปิ้งหนูอิพ่อ ขางไฟจนไหม้
บั้งข้าวหลามสุกแล้วล่ะเด้อลูกหล่า
ว่าวจุฬาเทิงฟ้า แนมหาบ่เห็น
ของเฮือนน้อยก็เริ่มพัง บ่มีคนมานั่งเล่น
ฮอยยิ้มที่แม่เคยเห็น เหลือเพียงรูปถ่าย
ให้เจ้าหวนคืนมา คือลมได้บ่ คนทางบ้านยังรอ
เจ้าคืนมาหา ผ้าห่มที่เจ้าอยากได้
แม่ขายข้าวซื้อแล้วเด้อลูกหล่า
บ่ต้องย่านหนาวดอกลูกจ๋า แม่สิกอดเอา

(ซ้ำ * )

ผ้าห่มที่เจ้าอยากได้ แม่ขายข้าวซื้อแล้วเด้อลูกหล่า
บ่ต้องย่านหนาวดอกลูกจ๋า แม่สิกอดเอา
§จ่ม เนื้อเพลง